Tionscadal Céim Suas

Aidhm an Tionscadail

Ba é aidhm uileghabhálach an Tionscadail Céim Suas tacú le scoileanna a rinne féinmheasúnú mar scoileanna a bhí cheana féin ag leibhéal éifeachtach maidir le forfheidhmiú an Chreata don tSraith Shóisearach (2015) agus réidh chun bogadh go leibhéal an-éifeachtach. Tugadh an t-am do na naoi scoil a bhí páirteach sa tionscadal machnamh a dhéanamh ar theagasc, foghlaim, measúnú agus tuairisciú i dtrí réimse ábhair agus a aithint conas a d'fhéadfaí cáilíocht an tsoláthair agus an chur i bhfeidhm, do na hábhair shonracha sin agus don Chreat don tSraith Shóisearach ina iomláine, a ardú go dtí an leibhéal is airde.

Cur chuige Féinmheastóireacht Scoile

Bhí ar scoileanna a bhí páirteach sa tionscadal cur chuige féinmheastóireacht scoile a ghlacadh chun athbhreithniú a dhéanamh ar a gcur i bhfeidhm reatha ar an gCreat i gceann amháin nó níos mó de thrí réimse ábhair: Béarla, Staidéar Gnó agus Eolaíocht. Spreagadh scoileanna chun réimsí feabhsúcháin a aithint agus tugadh tacaíocht dóibh chun gníomhartha a fhorbairt agus a chur i bhfeidhm as a dtiocfadh feabhas ar na réimsí a roghnaigh siad.

Scoileanna Rannpháirteacha

• Coláiste Pobail Bhuiríos Uí Chéin, Co. Thiobraid Árann

• Coláiste Chaladh an Treoigh, Co. Luimnigh

• Coláiste Pobail Chaisleán Cnucha, Baile Átha Cliath 15

• Coláiste Muire, Inis, Co. an Chláir

• Coláiste Naomh Bricin, Béal Tairbirt, Co. an Chabháin

• Coláiste Naomh Columba, Srath an Urláir, Co. Dhún na nGall

• Pobalscoil Naomh Colmcille, Cnoc Lín, Baile Átha Cliath 16

• Meánscoil Naomh Louis, Dún Dealgan, Co. Lú

• Coláiste Stratford, Ráth Garbh, Baile Átha Cliath 6